خاموشی بے سبب نہیں ہوتی
درد آواز چھین لیتا ہے
……………….
ایک درد ایسا ہے میرے دل میں
نہ برداشت کیا جا سکتا ہے
نہ اس سے بیان کیا جا سکتا ہے
……………….
بہت درد دیتا ہے
تیرا بے درد ہو جانا
……………….
درد میں کر دیتا ہے اور بھی اضافہ
تیرے ہوتے ہوئے کسی اور کا دلاسہ دینا
……………….
زخم دے کر نہ پوچھ درد کی شدت
درد تو درد ہوتا ہے تھوڑا کیا زیادہ کیا
……………….
درد دل اور جان لیوا پرسشیں
ایک بیماری کی سو بیماریاں
آل رضا رضا
……………….
درد دل کتنا پسند آیا اسے
میں نے جب کی آہ اس نے واہ کی
آسی غازی پوری
……………….
بیمار غم کی چارہ گری کچھ ضرور ہے
وہ درد دل میں دے کہ مسیحا کہیں جسے
آسی غازی پوری
……………….
خوگر لذت آزار تھا اتنا آتشؔ
درد بھی مانگا تو پہلے سے سوا مانگا تھا
آتش بہاولپوری
……………….
محبت کرنے والے درد میں تنہا نہیں ہوتے
جو روٹھو گے کبھی مجھ سے تو اپنا دل دکھاؤ گے
عازم کوہلی
……………….
انہیں آنکھوں نے بیدردی سے بے گھر کر دیا ہے
یہ آنسو قہقہہ بننے کی کوشش کر رہے تھے
عباس قمر
……………….
پینے پڑتے ہیں سینکڑوں آنسو
درد خود تو دوا نہیں ہوتا
اے آر ساحل علیگ
……………….
شعر اچھے بھی کہو سچ بھی کہو کم بھی کہو
درد کی دولت نایاب کو رسوا نہ کرو
عبد الاحد ساز
……………….
درد کا سلسلہ ہے جہاں تک
دل کی جاگیر ہوگی وہاں تک
عبدالمنان طرزی
……………….
تیری یادوں کے لمحے بھی بے درد تھے
تجھ کو مجھ سے چراتے رہے رات بھر
عبدالمنان طرزی
……………….
تیری یادوں کے لمحے بھی بے درد تھے
تجھ کو مجھ سے چراتے رہے رات بھر
عبدالمنان طرزی
……………….
چھلک جاتی ہے اشک گرم بن کر میری آنکھوں سے
ٹھہرتی ہی نہیں صہبائے درد ان آبگینوں میں
عبدالرحمان بزمی
……………….
درد بخشا چین چھینا دل کے ٹکڑے کر دیئے
ہائے کس ظالم پہ میں نے بھی بھروسہ کر لیا
عبداللطیف شوق
……………….
کمرے میں دھواں درد کی پہچان بنا تھا
کل رات کوئی پھر مرا مہمان بنا تھا
ابرار اعظمی
……………….
دلی میں درد دل کوں کوئی پوچھتا نہیں
مجھ کوں قسم ہے خواجہ قطب کے مزار کی
آبرو شاہ مبارک
……………….
عشق کا تیر دل میں لاگا ہے
درد جو ہووتا تھا بھاگا ہے
آبرو شاہ مبارک
……………….
غم حبیب نہیں کچھ غم جہاں سے الگ
یہ اہل درد نے کیا مسئلے اٹھائے ہیں
ابو محمد سحر
……………….
متاع درد پرکھنا تو بس کی بات نہیں
جو تجھ کو دیکھ کے آئے وہ ہم کو پہچانے
ادا جعفری
……………….
وہ جو ترک ربط کا عہد تھا کہیں ٹوٹنے تو نہیں لگا
ترے دل کے درد کو دیکھ کر مرے دل میں درد ہے کس لئے
عدیم ہاشمی
……………….
رہ گیا درد دل کے پہلو میں
یہ جو الفت تھی درد سر نہ ہوئی
عفیف سراج
……………….
گئے زمانوں کی درد کجلائی بھولی بسری کتاب پڑھ کر
جو ہو سکے تم سے آنے والے دنوں کے رنگین خواب لکھنا
آفتاب حسین
……………….
ہر نغمۂ پر درد ہر اک ساز سے پہلے
ہنگامہ بپا ہوتا ہے آغاز سے پہلے
افضل الہ آبادی
……………….
درد زنجیر کی صورت ہے دلوں میں موجود
اس سے پہلے تو کبھی اس کے یہ پیرائے نہ تھے
افضل منہاس
……………….
یہ ترا ہجر عطا درد عطا کرب عطا
اب عطاؔ کیسے جیے تیری عطاؤں کے بغیر
احمد عطا
……………….
یوں درد نے امید کے لڑ سے مجھے باندھا
دریاؤں کو جس طرح کنارا کرے کوئی
احمد فقیہ
……………….
یہ دل کا درد تو عمروں کا روگ ہے پیارے
سو جائے بھی تو پہر دو پہر کو جاتا ہے
احمد فراز
……………….
اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں
احمد فراز
……………….
اک یہ بھی تو انداز علاج غم جاں ہے
اے چارہ گرو درد بڑھا کیوں نہیں دیتے
احمد فراز
……………….
جھلملاتے رہے وہ خواب جو پورے نہ ہوئے
درد بیدار ٹپکتا رہا آنسو آنسو
احمد مشتاق
……………….
مجھے منظور گر ترک تعلق ہے رضا تیری
مگر ٹوٹے گا رشتہ درد کا آہستہ آہستہ
احمد ندیم قاسمی
……………….
درد کی بات کسی ہنستی ہوئی محفل میں
جیسے کہہ دے کسی تربت پہ لطیفہ کوئی
احمد راہی
……………….
دل کے سنسان جزیروں کی خبر لائے گا
درد پہلو سے جدا ہو کے کہاں جائے گا
احمد راہی
……………….
زخم اتنے ہیں بدن پر کہ کہیں درد نہیں
ہم بھی پتھراؤ میں پتھر کے ہوئے جاتے ہیں
احمد صغیر صدیقی
……………….
رہا کر دے قفس کی قید سے گھایل پرندے کو
کسی کے درد کو اس دل میں کتنے سال پالے گا
اعتبار ساجد
……………….
رہ گیا دل میں اک درد سا
دل میں اک درد سا رہ گیا
اجمل سراج
……………….
غم سبھی دل سے رخصت ہوئے
درد بے انتہا رہ گیا
اجمل سراج
……………….
دیدنی ہے اب شکست ضبط کی بے چارگی
مسکراتا ہوں مگر دل درد سے لبریز ہے
اکبر حیدری کشمیری
……………….
کتنا مان گمان ہے دینے والے کو
درد دیا ہے اور مداوا روک لیا
اکبر حمیدی
……………….
ایسا ایک مقام ہو جس میں دل جیسی ویرانی ہو
یادوں جیسی تیز ہوا ہو درد سے گہرا پانی ہو
اکبر معصوم
……………….
جس کے بغیر جی نہیں سکتے تھے جا چکا
پر دل سے درد آنکھ سے آنسو کہاں گیا
اکبر معصوم
……………….
اے سوز جاں گداز ابھی میں جوان ہوں
اے درد لا علاج یہ عمر شباب ہے
اختر انصاری
……………….
دوسروں کا درد اخترؔ میرے دل کا درد ہے
مبتلائے غم ہے دنیا اور میں غم خوار ہوں
اختر انصاری
……………….
شباب درد مری زندگی کی صبح سہی
پیوں شراب یہاں تک کہ شام ہو جائے
اختر انصاری
……………….
جس نے دنیا بھر کے غم اپنائے تھے
اس کو دنیا نے کہا بے درد تھا
اختر فیروز
……………….
لذت درد ملی جرم محبت میں اسے
وہ سزا پائی ہے دل نے کہ خطا جھوم اٹھی
اختر مسلمی
……………….
دشمن جاں ہی سہی ساتھ تو اک عمر کا ہے
دل سے اب درد کی رخصت نہیں دیکھی جاتی
اختر سعید خان
……………….
دل میں لیتا ہے چٹکیاں کوئی
ہائے اس درد کی دوا کیا ہے
اختر شیرانی
……………….
تو نے ایک عمر کے بعد پوچھا ہے حال دل
وہی درد و غم وہی حسرتیں مرے ساتھ ہیں
اختر شمار
……………….
اب درد بھی اک حد سے گزرنے نہیں پاتا
اب ہجر میں وہ پہلی سی وحشت نہیں ہوتی
اکرم محمود
……………….
درد بڑھ کر دوا نہ ہو جائے
زندگی بے مزا نہ ہو جائے
علیم اختر مظفر نگری
……………….
درد کا پھر مزہ ہے جب اخترؔ
درد خود چارہ ساز ہو جائے
علیم اختر مظفر نگری
……………….
لذت درد ملی عشرت احساس ملی
کون کہتا ہے ہم اس بزم سے ناکام آئے
علی جواد زیدی
……………….
مونس شب رفیق تنہائی
درد دل بھی کسی سے کم تو نہیں
علی جواد زیدی
……………….
شب کے سناٹے میں یہ کس کا لہو گاتا ہے
سرحد درد سے یہ کس کی صدا آتی ہے
علی سردار جعفری
……………….
تمنا درد دل کی ہو تو کر خدمت فقیروں کی
نہیں ملتا یہ گوہر بادشاہوں کے خزینوں میں
علامہ اقبال
……………….
