اظہار حال کا بھی ذریعہ نہیں رہا
دل اتنا جل گیا ہے کہ آنکھوں میں نم نہیں
………………
مجھ سے نفرت ہے اگر اس کو تو اظہار کرے
کب میں کہتا ہوں مجھے پیار ہی کرتا جائے
………………
ایک دن کہہ لیجیے جو کچھ ہے دل میں آپ کے
ایک دن سن لیجیے جو کچھ ہمارے دل میں ہے
………………
اپنی ساری کاوشوں کو رائیگاں میں نے کیا
میرے اندر جو نہ تھا اس کو بیاں میں نے کیا
………………
اور اس سے پہلے کہ ثابت ہو جرم خاموشی
ہم اپنی رائے کا اظہار کرنا چاہتے ہیں
زمانوں کو ملا ہے سوز اظہار
وہ ساعت جب خموشی بول اٹھی ہے
عبد الاحد ساز
………..
اظہار حال کے لئے صورت سوال ہے
ہے گفتگو سے کام نہ ہم کو زباں سے ربط
ابوزاہد سید یحییٰ حسینی قدر
…….
پھول کی پتی پہ کوئی زخم ڈال
آئنے میں رنگ کا اظہار کر
ابو الحسنات حقی
…………
اب اگر عشق کے آثار نہیں بدلیں گے
ہم بھی پیرایۂ اظہار نہیں بدلیں گے
آغاز برنی
……….
اچھی خاصی دوستی تھی یار ہم دونوں کے بیچ
ایک دن پھر اس نے اظہار محبت کر دیا
احمد فضل خان
………..
تجھ سے کس طرح میں اظہار تمنا کرتا
لفظ سوجھا تو معانی نے بغاوت کر دی
احمد ندیم قاسمی
………….
کیا کیا نہ پڑھا اس مکتب میں، کتنے ہی ہنر سیکھے ہیں یہاں
اظہار کبھی آنکھوں سے کیا کبھی حد سے سوا بے باک ہوا
اجمل صدیقی
……….
عشق کے اظہار میں ہر چند رسوائی تو ہے
پر کروں کیا اب طبیعت آپ پر آئی تو ہے
اکبر الہ آبادی
……………
لفظ لکھنا ہے تو پھر کاغذ کی نیت سے نہ ڈر
اس قدر اظہار کی بے معنویت سے نہ ڈر
اختر شیخ
……..
مانگتی ہے اب محبت اپنے ہونے کا ثبوت
اور میں جاتا نہیں اظہار کی تفصیل میں
عالم خورشید
……
تو نے جس بات کو اظہار محبت سمجھا
بات کرنے کو بس اک بات رکھی تھی ہم نے
امیر امام
………..
پوچھا ہے غیر سے مرے حال تباہ کو
اظہار دوستی بھی کیا دشمنی کے ساتھ
امیر قزلباش
………..
دام خوشبو میں گرفتار صبا ہے کب سے
لفظ اظہار کی الجھن میں پڑا ہے کب سے
امجد اسلام امجد
…………
ان سے اظہار مدعا نہ کیا
کیا کیا میں نے ہائے کیا نہ کیا
انیسہ ہارون شروانیہ
………
ارماںؔ بس ایک لذت اظہار کے سوا
ملتا ہے کیا خیال کو لفظوں میں ڈھال کر
ارمان نجمی
………
اگر ہے عشق سچا تو نگاہوں سے بیاں ہوگا
زباں سے بولنا بھی کیا کوئی اظہار ہوتا ہے
بھاسکر شکلا
………
بے تابیٔ اظہار نے یوں خاک کیا ہے
دزدیدہ نگاہی نے مجھے چاک کیا ہے
فرحت عباس
……….
بس محبت بس محبت بس محبت جان من
باقی سب جذبات کا اظہار کم کر دیجیے
فرحت احساس
………..
شاعری کو مرا اظہار سمجھتا ہے مگر
پردۂ شعر اٹھانا بھی نہیں چاہتا ہے
فرحت احساس
………..
مدعا اظہار سے کھلتا نہیں ہے
یہ زبان بے زبانی اور ہے
فصیح اکمل
………..
نشاط اظہار پر اگرچہ روا نہیں اعتبار کرنا
مگر یہ سچ ہے کہ آدمی کا سراغ ملتا ہے گفتگو سے
غلام حسین ساجد
………
اظہار غم کیا تھا بہ امید التفات
کیا پوچھتے ہو کتنی ندامت ہے آج تک
حبیب احمد صدیقی
……..
اظہار پہ بھاری ہے خموشی کا تکلم
حرفوں کی زباں اور ہے آنکھوں کی زباں اور
حنیف اخگر
………
فقدان عروج رسن و دار نہیں ہے
منصور بہت ہیں لب اظہار نہیں ہے
حنیف اخگر
………
کٹ گئی احتیاط عشق میں عمر
ہم سے اظہار مدعا نہ ہوا
حسرتؔ موہانی
………..
واقف ہیں خوب آپ کے طرز جفا سے ہم
اظہار التفات کی زحمت نہ کیجیے
حسرتؔ موہانی
……….
حسن بے پروا کو خودبین و خود آرا کر دیا
کیا کیا میں نے کہ اظہار تمنا کر دیا
حسرتؔ موہانی
……..
کیا بلا تھی ادائے پرسش یار
مجھ سے اظہار مدعا نہ ہوا
حسرتؔ موہانی
………
پرسش حال پہ ہے خاطر جاناں مائل
جرأت کوشش اظہار کہاں سے لاؤں
حسرتؔ موہانی
……
مجھ سے نفرت ہے اگر اس کو تو اظہار کرے
کب میں کہتا ہوں مجھے پیار ہی کرتا جائے
افتخار نسیم
………..
اظہار کی یہ بھی صورت تھی
خاموشی کو فریاد کیا
اقبال خاور
…….
اظہار حال کا بھی ذریعہ نہیں رہا
دل اتنا جل گیا ہے کہ آنکھوں میں نم نہیں
اسماعیل میرٹھی
…….
سبوئے فلسفۂ عشق و کہکشان حیات
شعاع قہر تبسم, چراغ دیدۂ نم
اظہار ملیح آبادی
……….
جہاں ہے شعر چراغ جنوں جلائے ہوئے
وہاں کھڑی ہے خرد اپنا سر جھکائے ہوئے
اظہار ملیح آبادی
………
زمیں سے اہل فلک کو پیام نظارہ
نقاب عارض فطرت کی جنبش پیہم
اظہار ملیح آبادی
………
خروش صرصر و طوفاں جمود دشت و سراب
سرود فصل بہاراں خرام گردش یم
اظہار ملیح آبادی
……….
شراب حسن و محبت فشردۂ انجم
انیس شام و سحر ہمدم وجود و عدام
اظہار ملیح آبادی
………
خمار دیدۂ انجم شراب لیل و نہار
حکایت نشنیدہ نگار نا محرم
اظہار ملیح آبادی
……
حریم دل میں جب آتا ہے ناز فرماتا
طرب کے پھول کھلاتا ہے یہ مصور غم
اظہار ملیح آبادی
………..
نگار خانۂ حکمت کلید باب جنوں
امین صبح مسرت رئیس شام الم
اظہار ملیح آبادی
………….
ہزار جام چھلکتے ہوئے نفس بہ نفس
ہزار باغ مہکتے ہوئے قدم بہ قدم
اظہار ملیح آبادی
………..
زباں سے شعر کی تعریف ہو نہیں سکتی
کہ ایک ذرے سے اب تک ہے عقل نامحرم
اظہار ملیح آبادی
……
نہ پوچھ شعر ہے کیا چیز مجھ سے اے ہمدم
مزاج آتش سوزاں لطافت شبنم
اظہار ملیح آبادی
……………
جلو میں حضرت جبریل سر جھکائے ہوئے
بلند عرش کے تاروں سے عظمت آدم
اظہار ملیح آبادی
………….
جلو میں حضرت جبریل سر جھکائے ہوئے
بلند عرش کے تاروں سے عظمت آدم
اظہار ملیح آبادی
…………
ایک ہی شے تھی بہ انداز دگر مانگی تھی
میں نے بینائی نہیں تجھ سے نظر مانگی تھی
اظہار اثر
………….
تمام مظہر فطرت ترے غزل خواں ہیں
یہ چاندنی بھی ترے جسم کا قصیدہ ہے
اظہار اثر
………..
تاریکیوں کے پار چمکتی ہے کوئی شے
شاید مرے جنون سفر کی امنگ ہے
اظہار اثر
………….
ان سے ملنے کا منظر بھی دل چسپ تھا اے اثرؔ
اس طرف سے بہاریں چلیں اور ادھر سے خزائیں چلیں
اظہار اثر
……….
تو بھی تو ہٹا جسم کے سورج سے اندھیرے
یہ مہکی ہوئی رات بھی مہتاب بکف ہے
اظہار اثر
…………
سونے سونے سے دریچوں سے اداسی جھانکے
کیا عجب خوف ہے چہرے بھی کسی در میں نہیں
اظہار سلیم
…….
یہ آنسو یہ پشیمانی کا اظہار
مجھے اک بار پھر بہکا گئی ہو
ضیا جالندھری
…………
اظہار نارسا سہی وہ صورت جمال
آئینۂ خیال میں بھی ہو بہو نہ تھی
ضیا جالندھری
………..
غضب تو یہ ہے وہ ایسا کہہ کے خوشی کا اظہار کر رہے تھے
کہ ہم نے دستاریں بیچ دی ہیں سروں کو لیکن بچا لیا ہے
ضیا ضمیر
……..
کیوں نہ تنویرؔ پھر اظہار کی جرأت کیجے
خامشی بھی تو یہاں باعث رسوائی ہے
تنویر سامانی
………..
زباں خاموش مگر نظروں میں اجالا دیکھا
اس کا اظہار محبت بھی نرالا دیکھا
توقیر احمد
……..
کوئی اظہار کر سکتا ہے کیسے
یہ لفظوں سے زباں کا فاصلہ ہے
تابش کمال
…………
کیجے اظہار محبت چاہے جو انجام ہو
زندگی میں زندگی جیسا کوئی تو کام ہو
پریمودا الحان
…..
مسئلہ یہ نہیں کہ عشق ہوا ہے ہم کو
مسئلہ یہ ہے کہ اظہار کیا جانا ہے
راجیش ریڈی
………
چلو کہ جذبۂ اظہار چیخ میں تو ڈھلا
کسی طرح اسے آخر ادا بھی ہونا تھا
راجیندر منچندا بانی
………
ہیں سو طریقے اور بھی اے بے قرار دل
اظہار شکوہ شکوے کے انداز میں نہ ہو
منظر لکھنوی
………
یوں تو اشکوں سے بھی ہوتا ہے الم کا اظہار
ہائے وہ غم جو تبسم سے عیاں ہوتا ہے
مقبول نقش
………
اظہار خموشی میں ہے سو طرح کی فریاد
ظاہر کا یہ پردہ ہے کہ میں کچھ نہیں کہتا
میر حسن
……
حرف کو لفظ نہ کر لفظ کو اظہار نہ دے
کوئی تصویر مکمل نہ بنا اس کے لیے
محمد احمد رمز
…….
گھرا ہوا ہوں جنم دن سے اس تعاقب میں
زمین آگے ہے اور آسماں مرے پیچھے
محمد اظہار الحق
………
اندھیری شام تھی بادل برس نہ پائے تھے
وہ میرے پاس نہ تھا اور میں کھل کے رویا تھا
محمد اظہار الحق
……
ترا پاؤں شام پہ آ گیا تھا کہ چاند تھا
ترا ہجر صبح کو جل اٹھا تھا کہ پھول تھا
محمد اظہار الحق
…….
کوئی زاری سنی نہیں جاتی کوئی جرم معاف نہیں ہوتا
اس دھرتی پر اس چھت کے تلے کوئی تیرے خلاف نہیں ہوتا
محمد اظہار الحق
……….
بوس و کنار کے لئے یہ سب فریب ہیں
اظہار پاک بازی و ذوق نظر غلط
محمد علی خاں ناظم رامپوری
……
عشق ہے تو عشق کا اظہار ہونا چاہئے
آپ کو چہرے سے بھی بیمار ہونا چاہئے
منور رانا
……….
اور اس سے پہلے کہ ثابت ہو جرم خاموشی
ہم اپنی رائے کا اظہار کرنا چاہتے ہیں
سلیم کوثر
…………
میرے اندر اسے کھونے کی تمنا کیوں ہے
جس کے ملنے سے مری ذات کو اظہار ملے
ساقی فاروقی
…………
اظہار مدعا کا ارادہ تھا آج کچھ
تیور تمہارے دیکھ کے خاموش ہو گیا
شاد عظیم آبادی
………
بھرے ہوں آنکھ میں آنسو خمیدہ گردن ہو
تو خامشی کو بھی اظہار مدعا کہیے
شاد عظیم آبادی
…………
خامشی ہی میں سہی پر کبھی اظہار تو کر
اس قدر ضبط سے سینہ ترا پھٹ جائے گا
شہزاد احمد
……….
اظہار عشق اس سے نہ کرنا تھا شیفتہؔ
یہ کیا کیا کہ دوست کو دشمن بنا دیا
مصطفیٰ خاں شیفتہ
…..
ہزار رنگ میں ممکن ہے درد کا اظہار
ترے فراق میں مرنا ہی کیا ضروری ہے
شجاع خاور
………
دل کی باتیں دوسروں سے مت کہو لٹ جاؤ گے
آج کل اظہار کے دھندھے میں ہے گھاٹا بہت
شجاع خاور
……..
وہ لمحہ زیست کا لعنت ہے آدمی کے لیے
جھکے جو سر کہیں اظہار بندگی کے لیے
سہیل عظیم آبادی
………
کبھی میں جرأت اظہار مدعا تو کروں
کوئی جواز تو ہو لطف بے سبب کے لئے
سید عابد علی عابد
………….
آپ جاتے تو ہیں اس بزم میں شبلیؔ لیکن
حال دل دیکھیے اظہار نہ ہونے پائے
شبلی نعمانی
………..
محبت ہم نے کی ہے اور یہ خیال کرتے ہیں
وہ آئیں اور آکر اظہار کریں
……….
کب تک یوں خاموش محبت کرو گی میری جان
کر بھی دو اظہار اب یہ دل تمہارا ہونا چاہتا ہے
…….
جگ سارا راضی کر کے وی اک تو ہی راضی نئیں ہوندا
ناں عمر محبتاں کر کے وی اک تو ہی حاصل نئیں ہوندا
تو کی جانیں پریت میری نا تو جانے میت میری
لوک پریئے تو رہنا ویں کیوں ساڈا فیر وی نئیں ہوندا
اک تو ہی مینوں جچدا ایں اک تو ہی مینوں سجدا ایں
تو چاہ تے میری کرنا ایں اظہار تیرے تھوں نئیں ہوندا
تو دن آکھیں تے دن مناں کہیں جے رات تے رات آکھاں
سب سن گن تے تو رکھنا ایں اعتبار تیرے تھوں نئیں ہوندا
سی لیکھ نصیباں دا لکھیا اسی تیری راہ وچ رل گئے آں
قسمت دی گل تے من لیندا پر فیر وی میرا نئیں ہوندا
سدا حیاتی نئیں رہندی اج زندہ وا کل بنئے یاد
سنگ ہس رو کے ایہنوں جی لئیے کل اج جیسا نئیں ہوندا
………
نہیں تھی ہوس تیرے جسم کی ہم کو
اسی لیے اظہارے محبت نہ کر سکے . ہم
……..
نمائش کرنے سے چاہت بڑھ نہیں جاتی
محبت وہ بھی کرتے ہیں جو اظہار نہیں کرت
……..
اظہار محبت مرے آنسو ہی کریں گے
اظہار بہ انداز دگر ہو نہیں سکتا
……….
اگر لفظ و بیاں ساکت کھڑے تھے دوسری سمت
ہمیں کو رنج کا اظہار کرنا چاہیئے تھا
…….
نکی عمر اچ عابد دل لا کے، پریشانیاں مل لئے لئیاں،،،،،،،
اظہار کریندیاں دیر ہو گئی، گلاں دل دیاں دل اچ رئیاں,,,,,,,
اوہدی نرم نفیس ہتھیلی تے، مہندی لائی چا غیر دی سئیاں,,,,,,,
اوہنوں ویکھ کے نال رقیباں دے، ہو جگر نوں موریاں گئیاں,,,,,
……….
چلو کہ جذبۂ اظہار چیخ میں تو ڈھلا
کسی طرح اسے آخر ادا بھی ہونا تھا
……….
تجھ سے کس طرح میں اظہار محبّت کرتا
لفظ سوجھا تو معانی نے بغاوت کر دی
………….
کبھی اظہار محبت کبھی شکوؤں کے لیے
تجھ سے ملنے کا کوئی روز بہانا چاہے
ساغر اعظمی
……..
بیانعوفا کر دیا ہے اُسنے اپنی تحریروں میں
اظہارععشق باقی ہے
………
دل کو سمجھاؤں گا جیسے بھی ہو ممکن لیکن
اب میں اظہار تمنّا نہیں ہونے دوں گا
لوگ کہتے ہیں کہ درد اٹھ کے بتا دیتا ہے
اب تو میں یہ بھی اشارا نہیں ہونے دوں گا
اے مرے ظرف و انا اتنے پریشاں کیوں ہو
کہہ چکا ہوں تمہیں رسوا نہیں ہونے دوں گا
ضامن جعفری
…….
بھرے ہوں آنکھ میں آنسو خمیدہ گردن ہو
تو خامشی کو بھی اظہار مدعا کہیے
شاد عظیم آبادی
……….
!!-اشعار کرتے ہیں اظہارِ عشق یہاں-!!
!!-میرے معاشرے میں سرعام محبت جائز نہیں-!!
…………..
زمانوں کو ملا ہے سوز اظہار
وہ ساعت جب خموشی بول اٹھی ہے
……….
عشق ہوجائے کسی سے تو اظہار کریں گے
انجام چاہے جو ہو،ہم تو بس پیار کریں گے
حارث اقبال ؔ
اظہار غم کی بھی اجازت نہیں رہی
میرے لفظوں کی اب اسے عادت نہیں رہی
میرا ہم درد ہی میرا ہم راز بھی تھا
اسکو اپنے ہی دکھوں سے فرصت نہیں رہی
غم کی ترسیل کا کوئی بہانہ نہیں رہا
لفظوں میں بھی پہلے سی بناوٹ نہیں رہی
………..
محبت مر چکی مجھ میں۔۔
جنازہ بھی پڑھا میں نے۔۔
شامل تھے سبھی اس میں۔۔
تیرے وعدے۔۔
تیری قسمیں ۔۔
وہ اظہار کی باتیں۔۔
تیرے اقرار کی باتیں۔۔
بہت تڑپا بہت رویا۔۔
تسلی بھی ملی ان سے۔۔
کہا مت رو اے پاگل۔۔
یہاں سب دل لگی کرتے۔۔!!!
محبت کون کرتا ہے؟؟
جنازہ پڑھ چکے تھے سب پھر وقت جدائی تھا۔۔
بے وفائی سے رہائی تھا۔۔
دفنایا گیا محبت کو۔۔
مقام بھی میرا دل تھا۔۔
اب کبھی جو آتی ہے یاد محبت!!!۔۔
وہ گزری یادیں۔۔
تیرے وعدے تیرے قصے۔۔
میں خود کے گلے سے لگ کے روتا ہوں۔۔
اور کہتا ہوں خاموش ہونا اے دلبر۔۔
یہاں سب دل لگی کرتے۔۔
محبت کون کرتا ہے۔۔!!!
رقص بسمل
………
بجھی بجھی میری آنکھیں لٹا لٹا میرا روپ
کٹے کٹے میرے بازو پھٹے پھٹے میرے لب
اب اس پہ بھی اگر اظہار درد لازم ہے
تو کس سے جا کے کہوں اپنی خامشی کا سبب
………….
اظہار محبت پر تو ہم نے آنا ہی نہیں تھا٫میری زندگی میں جو آئے راستے ان پر تو جانا ہی نہیں تھا٫آپ نے پڑھایا جو سبق وفاؤں کا،وہ تو کسی استاد نے پڑھا نا ہی نہیں تھا.
………..
جینے کی آرزو میں اے یار مر گئے
تیری طلب میں تیرے بیمار مر گئے
وعدے سبھی تھے جھوٹے،جھوٹی تھی ساری قسمیں
تیرے تو سارے قول و قرار مر گئے
حاکم کی اب نظر ہے محکوم کی گرہ پر
خادم تھے قوم کے جو، سردار مر گئے
شکوہ کریں تو کیسے ظالم تیری جفا کا
لفظوں کو موت آئی اظہار مر گئے
اب وصل کی تمنا نہیں چین لینے دیتی
پہرہ ہے سوچ پر تو افکار مر گئے
حسن مختار احمد
…………..
وہ آیا میری زندگی میں، مجھ سے پیار کا اظہار کیا
اور پھر میرے وجود کو ریزہ ریزہ کر کے چلا گیا
……….
تکتے رہنا بھی ہے افراطِ محبت کی دلیل
پیار کے سینکڑوں….. اظہار ہُوا کرتے ہیں
وہ تو پَربت ہیں جو گر جاتے ہیں ٹکڑے ہو کر
حوصلے بھی کہیں مِسمار ہُوا کرتے ہیں
کس محبت سے عدم! ہنس کہ وہ کہتے ہیں مجھے
چاہنے والے تو خود دار ہُوا کرتے ہیں
………..
چاہت کے صبح و شام محبت کے رات دِن
’’دِل ڈھونڈتا ہے پھر وہی فرصت کے رات دِن‘‘
وہ شوقِ بے پناہ میں الفاظ کی تلاش
اظہار کی زبان میں لکنت کے رات دِن
وہ ابتدائے عشق وہ آغازِ شاعری
وہ دشتِ جاں میں پہلی مسافت کے رات دِن
………..
عشق کیجئیے تو نکاح بھی کیجئیے ❤
ورنہ اظہار کر کے زندگیاں تباہ نہ کیجئیے
………..
حالتِ عشق ایسی ہے جیسے کوئی بیمار ہو
پتھروں کے گھر میں کوئی کانچ کی دیوار ہو
چہرہ اس کا کیا ہی کہنا چاند سے بڑھ کے حسیں
جیسے وہ ظُلمت کدے میں نُور کا مینار ہو
اے مِرے رَشکِ قَمر دِل نشین و دلفریب
کُچھ درد کا کُچھ عِشق کا اور پیار کا اظہار ہو
محوْ ہیں آرائشِ گیسو میں وہ کچھ اس طرح
زُلف انکی ایسے ہے جیسے کوئی شَہکار ہو
حسرتِ دیدار ہے کُچھ اس طرح شاہ میر کو
ریت کے صحراوں میں جیسے کوئی گلزار ہو
شاہ میر مغل لاہور
……………..
اظہارِ محبت بھی تم نے ہی کیا تھا ناں
تم نے ہی کئیے رستے دشوار محبت کے!!
بالوں میں سفیدی یوں ہی تو نہیں اتری
سو رنج اٹھائے ھیں سرکار محبت کے
ہر مرض زمانے سے ہو جائے اگر رخصت
دنیا میں رہیں گے پر بیمار محبت کے
تم ہاتھ چھڑاؤ تو وہ ہاتھ چھڑا لیں گے
کچھ لوگ تو ہوتے ہیں خوددار محبت کے
یہ درد میرے سر کا جاتا ہی نہیں مرشد
الفاظ تو دم کر دو ، دو چار محبت کے
꧁༒سعد الحسن ༒꧂
………….
اظہار حال کا بھی ذریعہ نہیں رہا
دل اتنا جل گیا ہے کہ آنکھوں میں نم نہیں
اسماعیل میرٹھی✍️
………
حال کیا دل کا ہےاظہار سے روشن ہوگا
یعنی کردار تو کردار سے روشن ہوگا
رات دن آپ چراغوں کو جلاتے کیوں ہو
گھر چراغوں سے نہیں پیار سے روشن ہوگا
صائمہ جاوید
…………
اظہارِ عشق میں جو تحریر بھیجی ٬ رَد ہوگئی
میں پھر بھی اسکی راہ تکوں؟ مطلب حَد ہوگئی ✍️
………
میں نے بھیجا تجھے ایوان حکومت میں مگر
اب تو برسوں ترا دیدار نہیں ہو سکتا
تیرگی چاہے ستاروں کی سفارش لائے
رات سے مجھ کو سروکار نہیں ہو سکتا
وہ جو شعروں میں ہے اک شے پس الفاظ ندیمؔ
اس کا الفاظ میں اظہار نہیں ہو سکتا
احمد ندیم قاسمی
………..
