زندگی کو سمجھنا ہے تو پیچھے دیکھے
اور اگر زندگی جینا ہے تو آگے دیکھے
……….
خراب کچھ اس طرح کی اس نے زندگی میری
کہ زندگی کو زندگی کی خبر نہ ہوئی
……….
زندگی میں جو بھی ملا سبق دے گیا
ہر شخص میرا استاد نکلا
……….
زندگی آخر ہم کو اتنا رلاتی کیوں ہے
مجھ بدنصیب سے آخر تو چاہتی کیا ہے
……….
زندگی چھوٹی سی ہوتی ہے
مگر اس میں بھی لوگ جینے نہیں دیتے
ذرا سی چائے گری اور داغ داغ ورق
یہ زندگی ہے کہ اخبار کا تراشا ہے
عامر سہیل
…………..
در حقیقت اتصال جسم و جاں ہے زندگی
یہ حقیقت ہے کہ ارباب ہمم کے واسطے
آتش بہاولپوری
……….
زندگی سندر غزل ہے دوستو
زندگی کو گنگنانا چاہئے
عازم کوہلی
…………
صبر کی تکرار تھی جوش و جنون عشق سے
زندگی بھر دل مجھے میں دل کو سمجھاتا رہا
عازم کوہلی
………..
بہت عزیز تھی یہ زندگی مگر ہم لوگ
کبھی کبھی تو کسی آرزو میں مر بھی گئے
عباس رضوی
…………
مری رفیق نفس موت تیری عمر دراز
کہ زندگی کی تمنا ہے دل میں افزوں پھر
عبد الاحد ساز
……………
چراغ زندگی ہوگا فروزاں ہم نہیں ہوں گے
چمن میں آئے گی فصل بہاراں ہم نہیں ہوں گے
عبد المجید سالک
…………
اے غم زندگی نہ ہو ناراض
مجھ کو عادت ہے مسکرانے کی
عبد الحمید عدم
…………
اجازت ہو تو میں تصدیق کر لوں تیری زلفوں سے
سنا ہے زندگی اک خوبصورت دام ہے ساقی
عبد الحمید عدم
…………….
زندگی ہے اک کرائے کی خوشی
سوکھتے تالاب کا پانی ہوں میں
عبد الحمید عدم
…………
زندگی زور ہے روانی کا
کیا تھمے گا بہاؤ پانی کا
عبد الحمید عدم
………..
زندگی کے حسین ترکش میں
کتنے بے رحم تیر ہوتے ہیں
عبد الحمید عدم
……………
اب چراغوں میں زندگی کم ہے
دل جلاؤ کہ روشنی کم ہے
عبدالمجید خاں مجید
………….
زندگی چھوٹی ہے سامان بہت
اور دل کے بھی ہیں ارمان بہت
عبدالمجید خاں مجید
…………….
کیف و مستی سرور کیا معنی
زندگی میں بھی اب خوشی کم ہے
عبدالمجید خاں مجید
………….
اک مسلسل جنگ تھی خود سے کہ ہم زندہ ہیں آج
زندگی ہم تیرا حق یوں بھی ادا کرتے رہے
عبد اللہ کمال
…………
دل دیا وحشت لیا اور خود کو رسوا کر لیا
مختصر سی زندگی میں میں نے کیا کیا کر لیا
عبداللطیف شوق
……..
زندگی عظمت حاضر کے بغیر
اک تسلسل ہے مگر خوابوں کا
عبد الرؤف عروج
…………………..
ہم یقیناً یہاں نہیں ہوں گے
غالباً زندگی رہے گی ابھی
ابرار احمد
…………..
کیا بھروسہ زندگی کا ہم کریں
آج ہم میں جان ہے کل ہو نہ ہو
ابھیشیک کمار امبر
………..
میں سوچتا ہوں بہت زندگی کے بارے میں
یہ زندگی بھی مجھے سوچ کر نہ رہ جائے
ابھیشیک شکلا
………..
کاہشیں سی کاہشیں ہیں حسرتیں سی حسرتیں
لوگ کیوں مرتے ہیں ایسی زندگی کے واسطے
ابرار حسین تپاں
…………
عشق کے مضموں تھے جن میں وہ رسالے کیا ہوئے
اے کتاب زندگی تیرے حوالے کیا ہوئے
ابو محمد سحر
…………..
بلائے جاں تھی جو بزم تماشا چھوڑ دی میں نے
خوشا اے زندگی خوابوں کی دنیا چھوڑ دی میں نے
ابو محمد سحر
………
رہ وفا میں انہیں کی خوشی کی بات کرو
وہ زندگی ہیں تو پھر زندگی کی بات کرو
ابو محمد واصل بہرائچی
……………..
مسرور ہو رہے ہیں غم عاشقی سے ہم
کیوں تنگ ہوں گے کشمکش زندگی سے ہم
ابو محمد واصل بہرائچی
………….
راہ وفا میں جی کے مرے مر کے بھی جئے
کھیلا اسی طرح سے کئے زندگی سے ہم
ابو محمد واصل بہرائچی
…………
لوگ چن لیں جس کی تحریریں حوالوں کے لیے
زندگی کی وہ کتاب معتبر ہو جائیے
ابو المجاہد زاہد
………….
ہوا یوں کہ پھر مجھے زندگی نے بسر کیا
کوئی دن تھے جب مجھے ہر نظارہ حسیں ملا
ادا جعفری
………….
سب سے بڑا فریب ہے خود زندگی اداؔ
اس حیلہ جو کے ساتھ ہیں ہم بھی بہانہ ساز
ادا جعفری
…..
پیام زندگیٔ نو نہ بن سکیں صد حیف
یہ اودی اودی گھٹائیں یہ بھیگی بھیگی بہار
ادا جعفری
…………..
جدا جو ہو گئے تسبیح روز و شب سے عدیلؔ
میں زندگی میں وہ دانے پرو نہیں سکتا
…………
آنکھ لگنے نہ پائی سحر ہو گئی
زندگی بے ارادہ بسر ہو گئی
عادل زیدی
……………
تمہاری گفتگو سے آس کی خوشبو چھلکتی ہے
جہاں تم ہو وہاں پہ زندگی معلوم ہوتی ہے
افروز عالم
………
ابھی ستاروں میں باقی ہے زندگی کی رمق
کچھ اور دیر ذرا نرم گرم چادر کھینچ
افروز عالم
……….
تمہارے ہجر میں کیوں زندگی نہ مشکل ہو
تمہیں جگر ہو تمہیں جان ہو تمہیں دل ہو
افسر الہ آبادی
………
کچھ اور طرح کی مشکل میں ڈالنے کے لیے
میں اپنی زندگی آسان کرنے والا ہوں
آفتاب حسین
………….
سبھی ہیں اپنے مگر اجنبی سے لگتے ہیں
یہ زندگی ہے کہ ہوٹل میں شب گزاری ہے
آفتاب شمسی
……….
کسی نے مجھ سے کہہ دیا تھا زندگی پہ غور کر
میں شاخ پر کھلا ہوا گلاب دیکھتا رہا
افضال فردوس
…………
یہ بھی شاید زندگی کی اک ادا ہے دوستو
جس کو ساتھی مل گیا وہ اور تنہا ہو گیا
افضل منہاس
………
زندگی کی ظلمتیں اپنے لہو میں رچ گئیں
تب کہیں جا کر ہمیں آنکھوں کی بینائی ملی
افضل منہاس
………….
زندگی اتنی پریشاں ہے یہ سوچا بھی نہ تھا
اس کے اطراف میں شعلوں کا سمندر دیکھا
افضل منہاس
…………
کلیجے میں ہزاروں داغ دل میں حسرتیں لاکھوں
کمائی لے چلا ہوں ساتھ اپنے زندگی بھر کی
آغا شاعر قزلباش
……….
زندگی خواب ہے اور خواب بھی ایسا کہ میاں
سوچتے رہیے کہ اس خواب کی تعبیر ہے کیا
احمد عطا
………..
ہم آستان خدائے سخن پہ بیٹھے تھے
سو کچھ سلیقے سے اب زندگی تباہ کریں
احمد عطا
……………
زندگی سے یہی گلہ ہے مجھے
تو بہت دیر سے ملا ہے مجھے
احمد فراز
……….
اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم
احمد فراز
………..
کچھ اس طرح سے گزاری ہے زندگی جیسے
تمام عمر کسی دوسرے کے گھر میں رہا
احمد فراز
……….
سلوٹیں ہیں مرے چہرے پہ تو حیرت کیوں ہے
زندگی نے مجھے کچھ تم سے زیادہ پہنا
احمد فراز
…….
زندگی پر اس سے بڑھ کر طنز کیا ہوگا فرازؔ
اس کا یہ کہنا کہ تو شاعر ہے دیوانہ نہیں
احمد فراز
……….
زندگی پھیلی ہوئی تھی شام ہجراں کی طرح
کس کو اتنا حوصلہ تھا کون جی کر دیکھتا
احمد فراز
……………
زندگی! تجھ سا منافق بھی کوئی کیا ہوگا
تیرا شہکار ہوں اور تیرا ہی مارا ہوا ہوں
احمد فرید
……………
چند گھنٹوں میں سورج نکل آئے گا تب یہ زینہ اتر کر چلی جائیو
زندگی دیکھ آگے بیابان ہے شمع گل ہو گئی رک اری رات ہے
احمد جہانگیر
…………….
چند گھنٹوں میں سورج نکل آئے گا تب یہ زینہ اتر کر چلی جائیو
زندگی دیکھ آگے بیابان ہے شمع گل ہو گئی رک اری رات ہے
احمد جہانگیر
……..
جو کھو گیا ہے کہیں زندگی کے میلے میں
کبھی کبھی اسے آنسو نکل کے دیکھتے ہیں
احمد کمال پروازی
………..
